Waor of neet waor aflevering 573

woensdag 06 augustus 2003

Wim Kuipers

[A. FOUT]

Luuj die femilie in Twente höbbe en die mich neet gluive kónne noe sjnel belle, nao die femilie in Twente, wen die nag get Saksisch sjpraeke. Dan mótte ze vraoge waat einen drongerd is. Ze zólle heure lekdaoren. Det is hetzelfde wie oze drunsel, in geweun taal: likdoorn.

[B. FOUT]

Potverhie en dao: höbs doe weer gesjpiek, mit det lekke? Drunsel – jazeker, det kump wens doe NEET leks. Vreuger hauw me drunsel in saorte: drunsel van jam, besjuut, griesmaelpepke, eigael: wen me flotflot oot, bleef dao get van róndj de móndj zitte, en det is noe drunsel: aetesreste die róndj de móndj zien blieve zitte.

[C. GOED]

De weitesjap mót weer antjwaord gaeve. Taalkunde – loester. 't Achterveugdink –el beteikentj WATER, wie in Kessel, Huunsjel = Hunsel, mae zelfs in 't waord poel. Det is eigelik poedel, wo poedelnaaks vanaaf kump: naaks wie in 't water. Zoe ouch drunsel, wo UNTEN in te zeen vèlt, ónger, beneden. En waat is water dao ónger? Zjuus: ei moereske, eine zómp.

[OPLOSSING: C]

Drunsel komt voor in de boeken van Carel Ververs, zoals Aaoj minse (kan nu weer eens aangeboden worden)