Waor of neet waor (18)
woensdag 30 05 2001
Auteur: Paul Prikken info@limburghuis.nl

A. [Fout]
Eine faldera det is det vleugelke womit me vreuger, wie d'r nog gein batteriekes in zaote, de vaer van ei speelgooduiteuke opdreijde. Es het uiteuke leep den dreijde dae faldera weer löstig den angere kantj oet. Vandao de naam: faldera.

B. [Fout]
Ein faldera det is ein ploej in einen damesrok. Ein vauw van baove nao ónger. Achter dae faldera kós me dan de sjloeting van knuipkes of van ein trèksjloeting wegsjtaeke.

C. [GOED]
Ein faldera is ei löstig vroumesj, eine faldera is eine minsj dae het laeve neet van de serieuze kantj numt. Aan de twie veurige oetlèkge huurt g'r al det die allebei van faldera's kómme.

[OPLOSSING = C]
Faldera's det zeen luuj die het laeve neet serjeus numme. Het kónne menkes of wiefkes zeen. Het is allemaol faldera en hopsasa. In het geweun laeve is det neet gaer gezeen, mer veur artieste is het ein kwaliteit.