Waor of neet waor afl. 147
donderdag 29 november 2001
Auteur: Wim Kuipers - wim.kuipers@hetnet.nl - tel. 043-325.23.22.

A. [FOUT]
Ja - det duit mich dinke aan ei sjiek nuuj waord in 't Limburgs: aafsjpekke veur vermagere - det is maar ei mager Hollandjs waord. Dao haet dees oetdrökking waal mit te make. Het is get wie: vergaefs liene, namelik waal get meute doon, euverdaag op dieet en saoves bie de tillevies alles aete waat d'n dokter verbaoje haet. Me zól det zoe kónne verklaore: gei sjpek aete, waal sjink die get baeter is det waal, meh wen me dao te völ van nump, det is mit vèt sjpek nao sjink sjmiete.

B. [FOUT]
Kiek ins good waat dao sjteit: mit sjpek nao sjink sjmiete - waem duit zoeget? Det hit bie ós verkwiste, en det deje de luuj vreuger neet. Ich höb nag ei sjpraekwaord dao-euver: wen eine boer ein hoon sjlach, is hae krank ofwaal zien hoon. Mit sjpel nao sjink sjmiete, det waerde meis gezag van käökend rieke luuj: dao kós 't grei neet op.

C. [GOED]
Ich mót zèkge: det klink gans good, en zoe hauw het kónne zien. Helaas: het is angesj geloupe, meh die oetdrökking haet waal mit riek en erm vandoon. Dao wurt mit ein zie sjpek nao ein sjónk gesjemete waerde gezag wen eine jóng van eine kleine boer, meis onnag van de zandj, dórs te gaon vrieje mit de dochter van einen dieke boer, zoe maedje mit waal teen hectaar goje gróndj aan de baom.