Waor of neet waor
vrijdag 29 06 2001
Auteur: Paul Prikken info@limburghuis.nl

A. [FOUT]
Het wèkglaas is eine zandjlouper. Het doerde eine wèk, det is vief minute, veurdet het zandj van het eint glazere bölke nao het angert geloupe waor. Zjus d'n tied óm ein eike hel te kaoke.

B. [FOUT]
Het wèkglaas is de stolp wo-ónger de luuj vreuger de wèk, het witbroed bewaarde. Broen broed of zjwartbroed det blif väöl langer good, mer in wèk zit väöl mie water. Es me dae neet ónger glaas bewaart dreug dae op einen hauven daag oet.

C. [GOED]
Ei wèkglaas is ein inmaakglaas. Eine glazere pot mit eine glazeren dèksel en dae deende óm vanal en nog get in te make. Det waor in den tied det er nog gein deepvrezers waore en det men ouch nog gein greunte oet blik in de supermarkt kós gaon haole.

[OPLOSSING = C]
Ganse ginnerasies höbbe het aan de Duutsje femilie 'Weck' te danke det ze boete het sezoen toch nog greunsel en fruit bie het aete krege. Het waor ein einvoudige meneer óm in eine 'Weckkaetel' die glazere pöt lochdich in te kaoke. Misjiens herinnert g'r het uch nog waal: tösje de glazeren dèksel en de glazere bokaal zoot zo'ne gummi-rènk. En es te het wèkglaas aope wòls kriege moosdes te aan het lipke van dae kautsjoe trèkke óm iers loch tösje de sjloeting door te laote. Det waor einen eelenj, want meistes góng det lupke kepot.