Waor of neet waor
donderdag 28 06 2001
Auteur: Paul Prikken info@limburghuis.nl

Sjtegel

A. [GOED]
Es g'r in de supermarkt bènnekómt moot g'r iers doer de sjtegel. Eine sjtegel det is ei kruutsraad, ei draaihek, einen 'tourniquet'. Aan het foetbalstadion höbbe ze ouch eine sjtegel, zodet de luuj mer ein veur ein bènne kónne.

B. [FOUT]
De sjtegel det is dae laere lap dae ze op eine klómp naegelde. Dae sjtegel zörg d'rveur det de voot neet zo gemaekelik oet de klómp sjuuf. Want op eine klómp zónger sjtegel kóns te bekans neet loupe.

C. [FOUT]
Eine sjtegel det is ein houte blökske det in de moer gemetseld wurt. Vreuger hauwe ze nog gein elektrische baore en plugge mit sjroeve wie noe. Es ze get zjwaors aan de moer mooste hange, metselde ze iers eine sjtegel, en dao kóste ze gemaekelik einen dikke nagel inhouwe.

[OPLOSSING = A]
De sjtegel is ei kruutsraad, ein dreijhek. Het hoof neet ummer ei kruutsraad te zeen. Aan ein weij zeet g'r de sjtegel sóms nog. Eine balk dae es aafsjloeting deent en dae op eine paol aan de kantj aope en toe kèn drieje.