Waor of neet waor
woensdag 27 06 2001
Auteur: Paul Prikken info@limburghuis.nl

Kappes

A. [FOUT]
Het kappes det is de plaats in de sjuur wo de boer het voor veur de bieste hekselde. Geer heurt het al: de woordvorming wirk wie veur het bakkes. In het bakkes wurt broed gebakke, in het kappes wurt gekap.

B. [FOUT]
De kappes det is zoe'nen hoege militairen hood oet het leger van Napoleon. Zoe'n zjwarte berenmuts. Dao zeen ouch nog Limburgers mitgegange mit Napoleon nao Rusland, en die höbbe het waord nao hie gebrach.

C. [GOED]
Kappes det is moos, kool. Mer het geit eigenlik euver moos det al kleingesjnieje, dus gekap, is. Het heisj kappes ómdet de Limburgers natuurlik óngervónje höbbe det het lestig is óm eine roje of greune keul in eine kier door te sjlikke. Daovan höbbe ze gelierd óm häöm iers in sjtökskes te kappe.

[OPLOSSING = C]
Kappes det is gesjnieje moos. Taenge zuurkool zate me bieveurbeeldj ouch kappesmoos. Eine kappeskop det is eine sjtómmerik en veer kènne ouch nog de kappesboer, det waor vreuger eine keuterboer, eine boer dao moos laeve van het moos det hae verboewde. Noe zaet me ouch 'kappesboer' veur de greunteman.