Waor of neet
waor
maandag 26 november 2001
Auteur: Wim Kuipers - wim.kuipers@hetnet.nl
- tel. 043-325.23.22.
Klaene
A. [GOED]
Hiel aod waord. Det kump - weite veer taalkundige - oet 't
Middelduutsj - wie ze euver de päöl sjproke róndj het jaor
doezjend. Het beteikent: örges get opsjmere. Oersjprunkelik woor det leim:
ein moer klaene mit leim. Daonao sjpies - specie, bie 't pleestere, en noe is
het dök besjmere in 't algemein. Eine man hauw drei umleijingen gekrege, en
doe waerde in 't dörp gezag: gei wónjer, wenste zoogs wie diek dae
zich de gooj bótter op de bóttram klaende.
B. [FOUT]
De taalkundige haet gesjpraoke - meh het is wie dök weer 't umgedrejde. Dae man mit die umleijinge zól zich waal hiel diek de klaene op de mik gedaon höbbe. Klaene - det is gein hanjeling, meh die kónste aete. Het is waat Hollenjers kaantjes
neume. Gein sjpekskes wie me allewiel waal meint, meh de oetgebraoje vaer -
zagte veur - van 't verke. Die vaer is ei enorm vlies van vèt - det liek
op ein vaer: de vleugel van eine ingel - wie die vreuger aafgebeeldj waerde. Dus
klaene: oetgebraoje vèt - wo dan klein sjtökskes van euverblieve.
C. [FOUT]
Kaene: ei sjitterend waord veur d'n taalkundige. Het is
sjoonmake, poetse, get wegvaege. Het mót oet 't Wesgermaans - achste,
negende ieuw - euvergesjtaoke zien nao Ingelandj. Die höbbe dao hiel get
wäörd krek hetzelfde wie veur. Ich neum de kerresjop - of pannensjop:
det is dezelfde shop dae veur trökgekrege höbbe es winkel: de
beauty-shop en zoe.
Zoe is het mit klaene gegange. Det is dao es to clean oetgesjpraoke, en trökgekómme, zoedet me hie kan heure: ich mót vanmiddig miene wage kliene.
[OPLOSSING = A]
Begin zösteende ieuw, bao 500 jaor geleje, is in ein raekening in Haagzitterd al aangetróffe det eine boer veur eine nuje paerssjtal eine leimklaener mós betale.
Went geer meer wilt klaene mit de Limburgse
taal, loer op de website