Waor of neet waor
maandag 24 december 2001
Auteur: Wim Kuipers - wim.kuipers@hetnet.nl - tel. 043-325.23.22.

[A. FOUT]
Dames en hiere opzeukers: zeuk mer neet: het is ei zeer zeldjzaam waord. Meh mesjiens kinne de Kwir-zengers oet Naer det. Die zien geneump nao de Kwir of 't Kwirke, ein leegde in de buurt van de Naerbaek.

B. Het waord woor kweerTe - mit ein T.

A. Röstig. Det Kwir is eine eigenaam en die verangere. Eine dae Schreuder hit, zuus doe dao nag de sjreur in, de kleiermaeker? Of kump die D van sjnieder? Wäörd kónne lètters kwiet waere, en d'rbie kriege - mer good: kwir en ouch kweert, det is ein leegde in 't landj. Neet zoe deep wie ein daal.

[B. FOUT]
Van zoene kal sjprink mich de kweert. Det is ein oetdrökking van verwónjering, soms ei bietje gif. En det sjpringe mót me letterlik zeen: de kweert is ein sjnaor van de viool, en waal de veerde sjnaor. Daoveur hit die kweert: wie kwart, kwartje, det is ei veerde van de gölje - en volgende waek is det kwartje passé, veurbie, ame.

[C. GOED]
Dae kal van uch zit ram vól kweerte - voeligheid, rómmel. Kweerte zitte eigelik in de haore, beveurbeeld in de mane van ei paerd wen det mit de kop op de gróndj, zèk meh in de sjtróntj gelaege haet. Me sjprik ouch van kweerte bie ineingdrejde haor. In 't zuje zaet me kwaert meh det is ein kwaaj eelt, det veer weer zjweel neume - meh het is hetzelfde waord: eelt is ineingedrejd vel zoegezag.

[OPLOSSING = C]
Opmerking. Wen eine B. haet, de oetdrökking is: noe sjpringk mich de KWINT: de viefde sjnaor. En het guf luuj die ei sjtökske van 20 cent noe ei kwintje wille neume.