Waor of neet waor (14)
Donderdag 24 05 2001
Auteur: Paul Prikken info@limburghuis.nl

A. [FOUT]
Gistere ging mich op de fits de kètting van de rattenee aaf. Den kumps hie bènne mit gans voel henj van die kètting weer op te lèkge. De rattenee det is het groot kampraad van de fits wo de pedale aan vas zitte.

B. [FOUT]
Rattenee det is ei woord oet de keuke. Aerpelupree dae mit eiwit d'rop nog effe in den aove gezat wurt. Gratiné heisj det in het Frans. Mer die 'G' die is weggevalle, wie ze in Limburg waal dékser lètters laote wegvalle es die get te lestig oet te sjpraeke zeen.

C. [GOED]
Rattenee is ein saort sjtóf, dus textiel, wo me kleijer van maak. Rattenee is raedelik dik en het wurt veural veur wèntjerkleijer gebroek.

[OPLOSSING = C]
Rattenee kump van het Frans, mer van ratiné, dus neet van gratiné. En ratiné is die dikke sjtóf wo wèntjerjes van gemaak woorte. Väöl weurd die mit kleijer te make höbbe kómme oet het Frans. In het Limburgs waere die den bekans ummer verbasterd en den zuut me het oorsjprónkelik waord d'r dèks neet mie in.