Waor of neet waor (35)
vrijdag 22 06 2001
Auteurs: Paul Prikken/Wim Kuipers info@limburghuis.nl

Teulder

A. [FOUT]
De teulder det is ein iezer óm het verbandj van metselwirk biejein te hauwe. Geer zeet het dèks in de veers van ein moer wo de belk likge. Óm det gewich van dae balk baeter op te vange, woort zo'n iezer, zo'nen teulder, in de moer gemetseld.

B. [FOUT]
Den teulder dae kaom vreuger aan de deur óm kaetele te lappe. Einen auwe kaetel of auw pan det woort neet weggesjmete. Den teulder dae maakde het gaat toe mit ei pinke det tösje twie rondelle in baom van dae kaetel gehouwe woort.

C. [GOED]
Den teulder is ei sjtök van ein auw deursjerneer, Namentlik: den doem dae aan de sjambrang, de deurlies, vaszit. Euver daen doem dreijt de sjerneer.

[OPLOSSING = C]
Den teulder det is den doem van ein deursjerneer. Die sjernere waore gemaekelik: den toer, det is het róndj oug, det zoot aan de deur vas. Den teulder dae zoot aan de sjambrang of de deurlies. En zo kós men ein deur gemaekelik in en oet de sjambrang hange, zónger al die sjroeve of naegelkes los te make.