Waor of neet waor
donderdag 21 06 2001
Auteurs: Paul Prikken/Wim Kuipers info@limburghuis.nl

A. [FOUT]
De sjrief is het opgeldj van de notaris es hae ein eigendómsakte of ein hypotheek maak. Baovenop de pries kump altied de sjrief van de notaris. Die notarisse zeen neet gojekoup mit hunne sjrief.

B. [GOED]
Eine sjrief is ein pen, ei potloed, get óm mit te sjrieve. Pak uch eine sjrief en sjrief oos tillefoonnummer op: 043 346 77 77.

C. [FOUT]
De sjrief det is de grenslijn tösje twee sjtökke landj. Hie in Limburg höbs te ummer boere die ein voor te wied ploge. Die ploge dus euver de sjrief en pakke santesie jedes kier ei sjtökske landj van hunne naober aaf.

De sjrief det is ein pen, ei potloed, ein kogelpen, eine bik... al wat deenstig is óm mit te sjrieve. Het is ei sjoon verzamelwaord, want meistes vreugt me "höbs te get óm mit te sjrieve?".
Lèk uch mer eine sjrief bie den tillefoon, dae kump van pas es geer mörge weer mitdoot.