Waor of neet waor
donderdag 20 december 2001
Auteur: Wim Kuipers - wim.kuipers@hetnet.nl - tel. 043-325.23.22.

[A. FOUT]
Haamsjeut - woveur vraoge ze det hie? Umdet sjeut Limburgs klink? Het is geweun haamschot, meh me vindj 't neet in de v. Dale. Zeker umdet 't allein nag bie ós veurkump. 't Kump van de Witte van Haemstede, eine ridder, óngevier 1280 - 1321, dae mit zien piele eine vogel oppe kirktaore nag tösje de ouge kós rake. Zeer nauwkeurig schot - zo wie die sjötters van de Boukoul det vreuger kó_te, wie hote die sjötterie - Soranus mein ich.

[B. GOED]
Soranus gladjanus - nae - laot dae sjeut aan mich veurbiegaon. Ich zèk: danke danke taalmeisters - dit is ech ei waord veur dezen tied. 't Is namelik de mistletoe of maretak.

A. Mót ich dich noe ei muulke gaeve, ónger det dink?

B. Veer sjtao hie veur de weitesjap. Die miense vreuger, die höbbe good oet häör döppe geloerd. Die blaedjes van det muulkesdink van dich, die sjtaon twie aan twie taengeneuverein - wie eine haam, eine paershaam.

[C. FOUT]
En euver dae sjeut kalle veer dan lever neet. Nou - ich waal. En dan geine geweune, van eine ridder, meh eine Limburgse sjeut.

B. Waat is det noe weer?

A. Een schot - paaf - mit zaachte G: zgeut.

C. Kan ich wiejer gaon? Det is wie pijnscheut - eine sjeut in de rök. En de haam - det is waat in het Nederlands achterhand hit. Wo dinkt geer brakgelere, wo de hamme zitte, wo veer hie sjink of sjónk taenge zèkge?

Zjuustement. Dus: haamsjeut is eine sjeut gans ónger in de rök.

[OPLOSSING = B]
En d'n oetlik van die blajer die zoe wie eine haam sjtaon - dae klop.