Waor of neet waor (33)
Woensdag 20 06 2001
Auteurs: Paul Prikken/Wim Kuipers info@limburghuis.nl

Aansjpenneling

A. [FOUT]
Den aansjpenneling det is ei saort trèkhaok aan ein boerekar. De boere sjleipde aan daen aansjpenneling, daen trèkhaok, alderleij getuug mit nao het veldj. Bénnekort kènt g'r ouch weer eure caravan aan den aansjpenneling van de auto hange óm op vekansie te gaon.

B. [FOUT]
Den aansjpenneling det is de tröktraprem van eine fits. Es g'r zo'ne fits höbt, kiek den maar ins nao het achterste raad. Dao zit den aansjpenneling, det gebaoge iezerke det van de as mit ei lupke op de kader van de fits is vasgemaak.

C. [GOED]
Einen aansjpenneling det is eine beginner, einen amatäör, eine lierjóng dae ei vak nog moot liere. Noe gaon de sjtudente in het lètste jaor dèks stage loupe. Ouch die stagiairs kén me aansjpennelinge neume.

[OPLOSSING = C]
Den aansjpenneling det is de beginner, eine dae 'aansjpent', dae zich nog moot aanspanne óm get te liere.

Toch ei sjoon waord, daen aansjpenneling. Men zouw in dezelfde redenering eine gepensjeneerde of eine VUTter ouch einen 'oetsjpenneling' kónne neume. Eine dae 'oetgespanne' is, eine dae de kar neet mie hoof te trèkke.