Waor of neet waor
woensdag 19 december 2001
Auteur: Wim Kuipers - wim.kuipers@hetnet.nl - tel. 043-325.23.22.

[A. GOED]
Gaef mich toch ins get baeter wäörd. Kreng - waat mót ich daomit? Wen ich zèk: det zit aan eine fits, gluive ze det?
B. Nae: det is de crank.
A. En zólle ze dao nörges kreng taenge zèkge?
B. Probeer ins.
A. Nae: ich gaon veur de waorheid. Kreng, det deje ze vreuger in de huipölf.
B. In de waat?
A. Peluw, hoofdpeluw ofwaal kösse. Kreng is ei saort graas.

[B. FOUT]
Allei - dich lieks mich get kreng vandaag. Kreng: det kónste geweun in de v. Dale opzeuke. Echelsteveure - sjeit dao dan. Ich zal ei veurbeeldj gaeve. Nónk Harie, wen dae good doorgezak woor, dan hauw d'r de volgenden daag dök de zök kreng aan: binnelsteboete.

[C. FOUT]
Wen ich neet wós waat het woor, hauw ich det van die crank verzónne. Det crank is ouch eine zjwingel. Loester wie det klink: d'n otto mit de kreng aanzjwingele.
B. Waat is 't dan waal - moelejan.
C. Ich zèk det neet veurnieks, det aanzjwingele, Ingels crank, mer ouch to cringe, ineenkrimpen - det is in 't Nederlands krengen, drejje. Ram oetgesjtórve, meh veer höbbe 't nag bewaard. Kreng det is ei saort ekzeem, op de rök beveurbeeldj. Det jeukde, en wenste in net gezelsjap woors, dan kós me zich lestig sjoere taenge de deursjtiel, dan drejde, krengde me zich get - det hólp ei bietje taenge de kreng.

[OPLOSSING = A]
Waat B. bedoelde, det is krangs: de zök krangs aan. En krenge, van C. besjteit ouch, meh de taalmeisters weite nieks van oetsjlaag dae in 't Limburgs kreng geneump wurt. Waal krets: dan mós me zich kratse.
Het waord kump van het Franse crin: paardenhaar. Es völsel waerde ouch - leus me in 't waordebook van Gronsveld: vezels van de dwergpalm gebroek.
Zoe: weer get gelierd.