Waor of neet waor
maandag 18 juni 2001
Auteur: Wim Kuipers - wim.kuipers@hetnet.nl - tel. 043-325.23.22.

A. [GOED]
Persjoenkele is ei aod waord oet de kirk. Det kump noe neet mie veur. 't Woor wenste hiel väol aaflaote wóls verdene, um ierder in d'n hiemel te kómme - den mós te op en neer de kirk in en oet gaon: persjoenkele.

B. [FOUT]
Ocherm. Nae: dit is te enneuzel um te vraoge. Jederein wit waat sjoenkele is. Nou - persjoenkele is paarsgewies sjoenkele, dan zitte man en vrouw zoegzag um en um, zoedetste ummer mit twie vraemde sjoenkels - det is paar- of persjoenkele.

C. [FOUT]
Ei bietje vies waord gaon veer hie neet oet de waeg. Persjónkele wurt gezag van vrouwluuj die duchtig mit de vót drejje, mit häor sjinke of sjónke: det is persjónkele, of persjoenkele. _____________________________________________________________________

[OPLOSSING = A]
't Waord kump inderdaad van de kirk. Op d'n ierste zónjig van augustus kós me de Portiuncula-aaflaot verdene, en wen me dan dök de kirk in en oet góng, waerde daen aaflaot ummer dieker. Meh um ach oer begós het vreuger al duuster te waere - zaet 't riemke: persjónkele persjónkele - um ach oer geit 't dónkele.

Persjoenkele is geneump nao ein kirk in Assisi, de plaatsj van Franciscus, wo me noe nag daen aaflaot verdene kan.