Waor of neet waor
vrijdag 16 11 2001
Auteur: Paul Prikken info@limburghuis.nl

Gust

A. [GOED]
Ein guste koo, det is ein koobies det neet zwanger is. Det is belangriek want ein koo mit ei kauf in de boek brunk mier geldj op. Moos deskundige zeen óm te weite of ein koo in verwachting is of neet. Angers duje ze dich ein koo in de henj en dan kóns te wachte tot de hèl bevruus, mer ei keifje zal neet kómme.

B. [FOUT]
Ach du dummer August! Deskundige A maak het zich ummer gemekkelik. Hae is op ein boerderie gebaore en hae haet nog de kaaaf van het sjtreu in zien sjoon zitte. Eders kier es hae ein waord moot oetlèkge sjleip hae d'r ziene ganse biestesjtam bie.
Ederein zien goesting mer gust beteikent geweun 'sjmakelik', 'lekker'. Guste keukskes, bieveurbeeld. Het kump van 'gusto' in het Latien, en det beteikent trèk, appetiet, lust.

C. [FOUT]
Jao, dich bès eine guste gast. Sjleip er mer get Latien bie, want det is neet gevaorlik. Pestoers daon meistes toch neet mit aan deze kwis, mer die lache zich noe waal ein óngelök. Gust det beteikent het taengeneuvergesjèlde van appetietelik: het beteikent brak. Brak water, bieveurbeeld wiewater det te lang in de bak haet gesjtange is gust water. Versjarreld beer det is gust beer.

[OPLOSSING = A]
Gust is einen term oet de boerderie: guste koo, ein koo die neet zwanger is.