Waor of neet waor (8)
woensdag 16 05 2001
Auteur: Paul Prikken info@limburghuis.nl

Brietselkuul

A. [GOED]
Eine brietselkuul det is eine sjtamper. Meistes waor det zo'ne groten dikke rónje sjtek womit de boere het voor veur de verkes fienmaakte. Zo'ne brietsel det zuut me noe neet mie, want het voor veur het vie det kump noe meistes klaoregmaak van de febrik.

B. [FOUT]
Ein brietselkuul det is ein koel wo-in de boere vreuger den óngeblösde kalk bewaarde. Achter edere boerenhaof laog ein brietselkuul. En dae kalk, dae brietsel det gebroeke ze veur vanal en nog get: om op het landj en de weij te sjtruije, mer ouch óm moere te witte.

C. [FOUT]
Brietselkuul of brietselkuulke det waor zo'ne groten tesjendook wo-in de mienwirkers hun botterhamme en al waat ze neudig hauwe dreijde òm het mit nao ónger in de koel te numme. Koele zeen d'r neet mie. Ze höbbe dae brietselkuul dus ouch neet meer neudig.

[OPLOSSING = A]
Brietselkuul is eine sjtamper. Want eine kuul det is ein anger waord veur eine klöppel of eine sjtek. Hie natuurlik ei sjtök hout det deende óm het voor 'het brietsel' of de 'brie' fien te make.