Waor of neet waor (30)
vrijdag 15 juni 2001.
Auteur: Wim Kuipers - wim.kuipers@hetnet.nl - tel. 043-325.23.22.

A. [FOUT]
Roevogel wurt soms gezag taenge eine windjvogel - Limburgs veur vlieger. Wen de windj zich drejt en efkes giftig wurt, den geit dae windjvogel sjrikkelik op en neer, wie ei sjeep op ein roew zee. Dan zaet me: kiek ins waat eine roewvogel - roewe vogel dus.

B. [GOED]
Klop niks van. Roevogel is eine vlinder, krek wie de bóttervogel dae hie al ins behanjeld is.

C. [FOUT]
Roevogel is de Limburgse naam veur reiger. Dae is hie nag neet zoe lang, ein 80 jaor. Wen me dae baove de Maas zuut vlege, det is net of d'r roeit. Het is dus eigelik roejvogel.

[OPLOSSING = B]
Deskundige A hauw geliek det 't mit roew - ruw - te make haet, meh de gooj oplossing is B. De vlinder is zoe geneump umdet de vleugele get roew zien, dao zitte gans klein häorkes op - ze zien neet glaad.