Waor of neet waor (29)
donderdag 14 juni 2001
Auteur: Wim Kuipers - wim.kuipers@hetnet.nl - tel. 043-325.23.22.

A. [FOUT]
Remo - det is ei witske of tekske. 't Waord kump oet 't Frans. Les Rameaux is Palmzónjig - wen me palmetekskes leut wieje.

B. [GOED]
Nieks tekske - eine remo is eine wirvelwindj. Anger wäord daoveur zien houwmouw of huimenke.

C. [FOUT]
Hiel mesjiens haet remo get te make mit 't Ingelse to remove - verhoeze. Eine remo is namelik eine grote sjterke kaerel, wie eine verhoezer. Dames zagte bewónjerend: waat eine remo van eine vent. ______________________________________________________________________

[OPLOSSING = B]
't Waord kump oet 't Frans - meh 't is neet A meh B. Het Franse waord is 'remous', en det beteikent ónger angere: gedrang, woeling. Het wurt noe ouch gebroek veur wen de vleger zoe tekier geit: turbulentie.

Went geer kees veur 't beukske Moeles van de Sjalevaeger van Wim Kupers, dao sjteit de remo op pagina 92. Huimenke Wiegel sjteit dao. Wiegel haet ins gezag: "Er is remous in de partij."