Waor of neet waor
donderdag 13 december 2001
Auteur: Wim Kuipers - wim.kuipers@hetnet.nl - tel. 043-325.23.22.

A. [FOUT]
Gers - det kam me umsjrieve es: graof gewaeve, gemaak - van sjtóf, veur gerdiene beveurbeeld. Of zek veur aerpel - die valle neet door zoe klei gaetje. Mer neet veur kaore: det kan neet in gerse zek. Op inkel plaatsje zèkge ze hie RAON taenge, kan veurkómme, en ich kós nag ei college haoje euver 't GRES van gresbuze, det det hetzelfde waord is. Hie höbbe veer waat taalmeister Wim Kupers de wanjelende R neump, zowie in Vlodrop det Vlodorp is, en een sport van ein leier is bie ós ein sjraot.

B. [GOED]
Dao wurt me baar gers van, van dae wazel. Gers is sjerp van sjmaak, meh neet wie sambal of paeper, nae: get is sjerp gewaore, det kump door ein verangering, en det haet me veural bie sjpek of vèt, det kan gers waere. Vreuger zagte ze waal: eine gerse hers.

C. [FOUT]
Gers - neet de gers wo me beer van maak - nae. Gers: waat det wörkelik is kan me neet pakke, wie ei glaas beer. Meh eine boer zól kónne zèkge: ich höb hóngerd gers gers ingezejd veur - nae, veer moge gein reklaam make, dan meh nao Pruses: gers gezejd veur Broewerie Alzheimer. Gers is ein vlaktemaot, en waal ach are - óngevier 800 veerkantje maeter.

OPLOSSING = B
Opmerking: mocht iemand aan C vasthouden, want het Nederlandse GARS is een oppervlaktemaat, dan meedelen: klopt, maar een gars is 3300 vierkante meter, vier maal 800.