Waor of neet waor (28)
woensdag 13 juni 2001
Auteur: Wim Kuipers - wim.kuipers@hetnet.nl - tel. 043-325.23.22.

A. [FOUT]
Muus - moeze - die kónne neet zinge - die piepe. Wen eine zenger - meistes eine manskaerel - inins ein hoog toon leut heure, dan zaet me: heurde veer dao eine mit moezezang?

B. [FOUT]
Vreuger metselde me - veur de sjiek - ónger de gäot of kaanjel ein rie sjtein mit de sjpitse kantj nao väore. Det wore de moezetendjes - tandjes dus, wie me die op de kläotersjoel maakde, en ein ganse rie van die tendjes hoot moezezang. Zang is rie.

C. [GOED]
Ein moezezang is get minder es ein kattezang, dus dunner. Het is ei bösselke opgeraapde aore. Zange is verzamele.
______________________________________________________________________

[OPLOSSING = C]
C is good. Ein moezezang is ei bösselke aore det de wichter mit doem en wiesvinger vas kóste haoje. Woor de zang zoe diek det me ze mit bei de henj mós ómsjpanne, dan woor 't ein kattezang. Zang haet te make mit verzamele, in 't Vlaoms zante geneump. Aore rape hoot zeumere.