Waor of neet waor
dinsdag 11 09 2001
Auteur: Wim Kuipers - wim.kuipers@hetnet.nl - tel. 043-325.23.22.

Punjer

A. [FOUT]
Eine punjer - ach wens te die zuus vlege vreuger baove de wiejer, det hit noe viever - prachtig. Punjer is ein anger waord veur garepaap of póppesjreur, dus de libel. Sjoen, en woveur hit det deerke zoe? Ja - woveur zèkge ze hie en dao taenge eine meikaever mulder?

B. [GOED]
Waat waog die libel van dich? Drei gram? Nónk Harie kós die mit ziene punjer aevel neet waoge - zoe nauwkäörig wore die punjers neet. Eine punjer - ich V'ob weer geliek - is ein waog die róndjtrèkkende opkuipers gebroekde. Dao zoot eine haok aan en dao hónge ze waat ze koupe wólle aan - eine haan van zeve kilo, sjpertelend in eine zak, of eine knien. Mer libelles - wo kóste die koupe?

C. [FOUT]
Groete fantasie. Ik kan neet bewaere det A en B likge te sjlaope. Ze höbbe moeles zat.
Ik zoog lever det ze eine punjer deje - det is 't middigsjläöpke, de siesta. Kump van 't wirkwaord punjere: det deje boere die meug wore, efkes sjlaope, in de blomewei, taenge eine berm aan - nae neet IN de berm, eine berm is ein miet, ein miet kaore. Dao kós me lekker punjere.

============
[OPLOSSING = B]

Aanwijzing: deskundige C. bedoelde unjere - dat is een middagslaapje doen.

Went geer neet wilt unjere, meh uch verdepe in de Limburgse taal, loer op de website www.limburghuis.nl.