Waor of neet waor
woensdag 11 juli 2001
Auteur: Wim Kuipers - wim.kuipers@hetnet.nl - tel. 043-325.23.22.

A. [FOUT]
Klumpe is 't zeure van ein koo wen die doosj haet, of wen ze de baas heurt dae mit voor kump, of mit drinkes. Den begint ein koo te klumpe. Ich kèn het neet good naodoon, mer het klink ei bitje wie eine pómpbak dae laeglöp.

B. [FOUT]
Einen aezel dae kènt gein koo naodoon. Mit zo'nen oetlèk kóns te op dien klómpe veur den duvel gaon danse. Klumpe haet natuurlik mit klómpe - miervoud klump - te make. 't Is geweun hiel hel loupe op de klump, krek zoeget wie sjtevele. Es de wirktied veurbie is den sjtevele ze allemaol nao den oetgank, den klumpe ze allemaol nao de deur óm het ierste boete te zeen.

C. [GOED]
Bim bam beijere,m de klokke lèkge eijere. Die twie evurige deskundige kóns te nog wiesmake det paosjeijere van de klokke kómme. Mer klókke lèkge gein eijere. Ze kónne waal klumpe, loewe, bimbamme. Klumpe is hetzelfde wie trumpe: 't loewe van de klein klok, det de mès bao begint.

[OPLOSSING = C]
C. is het juuste antjwaord. Het is ei klankwaord, krek wie 't Nederlandjse trompen - en neet euveral heurt me hetzelfde. Klumpe wurt meistes gezag veur het bimbamme van ein klein klok. Zo ei klökske det heisj ouch: klumpke.