Waor of neet waor (26)
maandag 11 06 2001
Auteur: Paul Prikken info@limburghuis.nl

Dörpelmaeg

A. [FOUT]
Einen dörpelmaeg det is waat v'r in modern Nederlands 'tochtstrip' neume. Den dörpelmaeg waor vreuger ein reep laer, die aan den òngerkantj van de deur genaegeld woort, taenge de kauw die tösje de deur en den dörpel doorkaom.

B. [GOED]
Ein dörpelmaeg det is de meid die den dörpel of de sjtóp sjoonmaak. En die hauw den natuurlik ouch de okkazie óm väöl te klasjenere en te moele mit de luuj die langskaome.

C. [FOUT]
Den dörpelmaeg dae zeet g'r sóms nog aan auw hoezer. Naeve den dörpel van de deur is dao zo'n iezerke in de moer vasgemetseld wo-op bezeukers zich de sjliek en den drek vanónger de sjoon kóste sjrabbe. Den kaome ze proper het hoes bènne.

[OPLOSSING = B]
De dörpelmaeg is de meid die het pótswirk op de sjtoep deit. Mer het is eigenlik eine sjeldjnaam gewore veur vrouluuj die boete sjtaon te kalle en te klasjenere. In Zitterd loupe de dörpelmaeg noe nog ummer in de vastelaovesoptoch mit.