Waor of neet waor
maandag 10 09 2001
Auteur: Wim Kuipers - wim.kuipers@hetnet.nl - tel. 043-325.23.22.

Veldjkretser

A. [FOUT]
Det is waal hiel maekelik, en ich veursjpel noe al det ome Harie d'r mit gewirk haet. Kretse kump van kratse, krabben, en eine kretser woor eine reek mit drei tenj womit boere de mès van de ker kratsde. 't Goof ouch kleiner kretser, ouch mit drei tenj. Die zuut me nag waal in tuincentra. Ze waerde gebroek veur d'n drek, 't ónkroed tösje de rieje krotte of aerpel oet te kratse, en daoveur hoot det dink eine veldjkretser.

B. [GOED]
Sjoon gevónje - meh doe höbs sjrikkelik óngeliek. Nónk Harie woor sjtols det d'r gein veldjkretsers hauw, nag neet eine. Veldjkretsers zien doeve, eine veldjkretser is ein doef die oots de waeg kwiet gewaore is, neet mie wit wo de sjlaag is, zien toes, en noe in de kirktaore laef of in ein laeg febrik. Zie mót zich de vraet zelf biejeinsjarrele, in 't veldj. Dao zoog me ouch waal ins doeve die eine baas hauwe, meh die toch in 't veldj zote. Nónk Harie neumde det ouch waal veldjkretsers. Hae goof zien dere good te aete.

C. [FOUT]
Waat eine houp wäörd um get biejein te lege. Hauw Harie ouch sjportdoeve? Eine veldjkretser is eine sjporter, nou ja: eine trimmer op eine mountainbike, dae dus neet euver de waeg meh door 't veldj veurt. Aan de kantje van Naer, Roggel, Haele - wo Bart Brentjens vanaaf kump, wurt zoe eine veldjkretser geneumd. Sjpottend is det, en taenge veldjriejer Brentjens dörfde geine det te zèkge.

======

[OPLOSSING = B]