Waor of neet waor (25)
Vrijdag 08 06 2001
Auteur: Paul Prikken info@limburghuis.nl

A. [GOED]
Einen trup det is einen houtere klómp mer, mit eine laere zaol d'rónger. Eine luxe-klómp zal ich mer zèkge. Dae klómp maakde neet zoväöl laweit en hae leep get gengiger.

B. [FOUT]
Geer kónt op eur klómpe al veule det dae veurigen oetlèk neer klop. Einen trup det is ein kètting, die ze vreuger aan het leegste puntj van de kaanjel hinge en den leep het water langs die kètting, daen trup, sjoon aaf. Den hauwe ze gein kaanjelpiep neudig.

C. [FOUT]
Den trup haet waal mit water te make mer neet mit de kaanjel. Den trup det is det gekarteld iezer aan ein sjloesdeur. Geer zeet det dao baovenoetsjtaeke en het deent óm de sjloes tendje veur tendje mit den trup get mie aope of toe te zètte.

[OPLOSSING = A]
Den trup is dae luxe-klómp mit eine laere zaol. Klómpemaekers zeen d'r neet mie en g'r kónt dus ouch nörges nog einen 'trup' koupe. Es g'r nog örges einen trup op de zölder vèndj, trèk häöm den aan en gaot er mit de sjtraot op. Den höb g'r pas ech get exclusiefs aan de veut, want dao kènne Italiaanse sjoon neet taengenop.