Waor of neet waor afl. 153
vrijdag 7 december 2001
Auteur: Wim Kuipers - wim.kuipers@hetnet.nl - tel. 043-325.23.22.

A. [GOED]
Drees drees - ich höb det waord al in gein dartig jaor geheurd. Het is ei waord - det heurste es kinner sebiet - oet 't boerelaeve. Det guf het klamp mie, meh drees kump waal nag veur, allein neet väöl in Limburg. In Groninge kriege boere geldj wen ze häör akkers drees laote, dao nieks op verboewe, den veer höbbe wied teväöl van al det grei. Drees is dus braak, ei laeg landj.

B. [FOUT]
Get geheurd, vreuger, wie aod woors doe dartig jaor geleje? Nou ja: die boere in Groninge moge die d'n akker wo ze nieks op zitte waal nag ploge? Of mót det alles distele waere? Drees haet namelik mit ploge te make. Wenste ei sjtök landj veur de wintjer lóchte ws bewirke, dan zag zoene boer: ik zal det drees ploge. Óndeep. Het waord wurt ouch gezag van eine wiejer - eine viever hit dae allewiel, dae kan drees zien, óndeep, en dan neet geveerlik veur wichter.

C. [FOUT]
Waat make die het mich maekelik vandaag. Ich höb ein buurvrouw, vreuger hoot die naoberse, die bringk twie maol in de waek häören drees nao ei sjtök braak likgend landj, wo ei sjtökske óndeep van geploog is. Zeker weite. En dao sjöd ze daen drees dan neer. Ze dink namelik det häör dao de pómpesjtein van versjtop, de gootsteen heren, en het moog neet bie de kómpos - höbbe ze die vrouw gezag. Dus duit ze d'n drees in ei bekske en det guut ze op det landj.

B. En waat is dienen drees dan, ik kan haos neet wachte.

C. Ich dach dets doe det al lang geraoje hauws: drees is kóffiedrab.

[OPLOSSING = A]