Waor of neet waor (24)
donderdag 07 06 2001
Auteur: Paul Prikken info@limburghuis.nl

Blakkeij

A. [GOED]
Blakkeij det zeen iezere plaetjes die mit naegelkes op de zaol van eine sjoon gesjlage waere. In het Nederlands zaet me zoolplaatje, zoolbeslag. Es g'r sjoon vast tapiet in de kamer höbt likge, laot den eine mit blakkeij ónger zien sjoon iers zien sjoon oetdoon. Want dae verenneweert uch de vloerbedèkking mit zien hoofiezers.

B. [FOUT]
Blakkeij det is de laog gesjmólte sókker op ein vlaaj of eine kook. De sókker wurt in water opgelos en den mit ei beustelke op de kook gesjmaerd. In den aove wurt de blakkeij den zo sjoen blinketig.

C. [FOUT]
Blakkeij is ein aerpelzeekte. Het zeen van die rosbroen plekke die beginne op den óngerkantj van het aerpelblaad. Dao geit de aerpelplantj kepot van nog veur ze den tied haet dikke aerpel te make.

[OPLOSSING = A]
De blakkeij zeen inderdaad de zaolplaetjes, het zoolbeslag. Ja... wae haet noe nog blakkeij ónger de sjoon? Tapdansers waarsjienlik, want veur de res is het mer vervaelend es te iezere plaetjes ónger dien sjoon höbs. Ze heure dich van wied kómme en maaks ouch nog kratse op de vloer.