Waor of neet waor (23)
woensdag 06 06 2001
Auteur: Paul Prikken info@limburghuis.nl

A. [FOUT]
Eine bloester det hink aan de vaan van ein famfaar of sjötterie. Baovenaan de sjtek mote de lintjes hange mit de kleure van de vereiniging. Dae bloester zuus te nog mer zelje. Mer eigentlik heurt dae bie de vlag.

[GOED]
Ein bloester is ein lochblaos ònger het verfwirk. Ein 'bladder' zaet me in het Nederlands. Sjlechte sjilders, die sjildere es de zón d'rop sjient en den kriege ze 'bloestere' ómdet de loch ónger de verf opwermp.

C. [FOUT]
Ein bloester det is det bölke mit oetgebleujde zäödjes, pluuskes of fluuskes van ein pisbloom of paerdsbloom. De kènjer plökke det en blaoze die bloester den nao alle kenj weg. Gei wònjer det er euveral zoväöl pisblome sjtaon.

[OPLOSSING = B]
Bloester is een 'verfbladder'. Het kump van ein aud waord: bloestere, bluistere. Det beteikent: bladderen, blaken, verhitten, opblaoze door de hits.

In het Nederlands kènne v'r het neet mie, mer toch kump het es modern woord via het Ingels weer nao ós trök: blisterverpakking. Dae blister is hetzelfde es de Limburgse bloester. Geer kènt die blisterverpakkinge waal: eine kertòng mit dao-op ein blaos in plastic. In die blaos, dae blister of bloester, zit dan het produk.