Waor of neet waor (22)
dinsdag 05 06 2001
Auteur: Paul Prikken info@limburghuis.nl

A. [FOUT]
Sjpoeze det gaon ich doon es ich dit gezag höb. Ich gaon den pauze numme, koffie drènke, want hie bie de radio blieve ze dich opjage en den bès te blie es te sjpoeze kèns.

B. [Fout]
Het zeen altied dezelfde luuj die neet gaer wirke en lever in de kantien zitte. Die laote mich den sjpoeze. Die laote mich den het wirk verzètte. Sjpoeze beteikent hel en sjnel wirke. Wie in het Nederlands: spoken, pezen.

C. [GOED]
Sjpoeze is blaoze, sisse, guftig blaoze. Wie ein kat die kaod is. Es g'r toes ein kat höb, den moot g'r die mer ins op de sjtart traeje. Die kèn uch det baeter oetlèkge es ich hie op de radio.

[OPLOSSING = C]
Het is 'blaoze' wie ein guftige kat. V'r kènne in het Limburgs ouch het waord 'sjpoeskat', det is ein kaoj kat. Mer me zaet det ouch van ei maedje of ei vroumes die neet op häör tòng gevalle is en die dich richtig van antjwoord deent.