Waor of neet waor (21)
maandag 04 06 2001
Auteur: Paul Prikken info@limburghuis.nl

A. [GOED]
Eine roetevleger det is einen tol, eine werptol mit einen iezere puntj. In het Limburgs zaet men dao ouch 'dop' taenge. Mer deze is zoe ei geveerlik tölke det me mit einen dreij van de handj weggoojt. En dae geit tekier, dae roetevleger.

B. [FOUT]
Roetevlegers det zeen die naogemaakde veugel die ze es aafsjrikking veur de veugel op roete plekke. Noe zeen die van plastic mer vreuger hinge de luuj pepiere veugelkes aan ei tuike veur de roet. Den vloge die erm veugelkes dao neet mie taengenop.

C. [FOUT]
Eine roetevleger is eine wèndjvogel. De meist banale en sumpele wèndjvogel. Ei kruuts van twie letjes en dao-op het pepier of zeil gesjpanne. Dae wèndjvogel zuut presies oet wie ein roet. Gein vinsterroet mer de roete van het kaartsjpeel.

[OPLOSSING = A]
Roetevleger is eine werptol, eine priktol mit einen iezere puntj. Men kós dae mit ein tuike aantrèkke mer wae dao ech henjig in waor dae goof häöm einen dreij tösje doem en wiesvinger.