Waor of neet waor (20)
maandag 02 07 2001
Auteur: Paul Prikken info@limburghuis.nl

A. [Fout]
Einen dumpel det is eine groten dreijtol. Men zaet dao ouch dop, of kókkeral taenge. Den dumpel det is zoe'nen dreijtol dae g'r mit zo'n lang aandreijspiraal van baove aan de gang krieg.

B. [Fout]
Dumpele det zeen greun blaadloeze. Einen dumpel zuut me ummers noots allein. Ze kómme ummer mit hónderde tegeliek. Mit ei paar behanjelinge van het blaad mit water en zeip kónt g'r die dumpele wegkriege.

C. [GOED]
Einen dumpel is ein blötsj of wie men in het Nederlands zaet: een deuk. Einen dumpel in den auto is meistes ei duur geval. Den moot g'r daen dumpel laote oetblötsje en de lak euvernuuts sjpuite.

[OPLOSSING = C]
Dumpele zeen blötsje. Het woord wurt veural in West-Limburg gebroek. Het hoof neet ummer einen dumpel in de karrosserie van einen auto te zeen. Het is ein algemein woord, ei synoniem van blötsj. Mer geer kónt geinen dumpel is de kop höbbe, det si ein blötsj. Einen dumpel det is meistes ein blötsj in ein iezere plaat.